ماهو رئيك بمحتويات المدونة؟

الجمعة، 2 ديسمبر 2011

ارجوك يمه تعذريني

شعر /بسام رحيمان

أرجوك يمه تعذرينـي اذا ابطيـــــت
عنــك وقـلـبك يحـتريني بــجوفـــــه 
 
ادري فـــ غيـابي عنك للشوف حنيت
وادري بقــلبك شالني في رفوفــــــه
 
يا مــا بصــدرك بالامـان كـم تهنـيت
يعـجز عن التعبــير قلبــي بحروفـــه 
 
ما اقدر اجازيك يالغـلا مهما اعطيت
دمــي ولــحمي فـدوتــك وما بجوفـه
 
تــدري ظــروفي اجــبرتني ووليــت
عنك ودمعك شق قلب يــــشوفـــــــه
 
مهما كتبت الشعــــر والله ما أوفـيت
في طاعتــك لو كان دمــي حــروفـــه 
 
صــوتك يســلي عــبرتي لو تمـسيت
بــه يبــتهج قلـبي ويــنسـى ظــروفه 
 
مجـبـور ياامـي ابتعد عنك وأخفيت
جمــر الألــم فـي خــافقي ما تشوفـه 
 
اشتقت لك يا أمي من الشـوق حنيت
وأرسلت دمعي في المحاجر ذروفـــه

حقوق النشر محفوظة